Тәтеш районы Үтәмеш авылы "Харис" мәчетенә 20 ел тулу уңаеннан "Вәгазь кичәсе" оештырылды. Мәчеттә узган әлеге чарада Татарстанның күренекле дин эшлеклеләре катнашты. Татарстан мөфтиенең беренче урынбасары Рөстәм хәзрәт Вәлиуллин мәчетне төзүчеләргә, карап торучыларга рәхмәт хатлары тапшырды. Татарстанның баш казые Җәлил хәзрәт Фазлыев халыкны мәчеткә тарту һәм яшь буын белән эшләү үзенчәлекләре турында үтемле вәгазь сөйләде.
