Татарстан Республикасы мөселманнары Диния нәзарәтенең дәгъвәт бүлеге җитәкчесе Нияз хәзрәт Сабиров Кукмарада вәгазь кичәсендә катнашты.
Вәгазь кичәсе Кукмараның Үзәк мәчетендә узды. Нияз хәзрәт Сабиров җыелган халыкка телнең афәтләре, шулай ук татар телен саклау әһәмияте турында вәгазь сөйләде, халыкның сорауларына җавап бирде. Мөфтиятнең төрле юнәлешләрдә алып барылган эшчәнлеге белән таныштырды.
Туган телебезне саклау турында вәгазьне шулай ук район имам-мөхтәсибе Рәдиф хәзрәт тә сөйләде.
Кукмара Үзәк мәчетендә вәгазь кичәләре ай саен үткәрелә.
