Балтачта вәгазь кичәсе узды

10 ноябрьдә Балтач мөселманнары күңелләрен белем, мәгърифәт нуры белән баету, калебләрен сафлау өчен Үзәк мәчеткә гыйлем мәҗлесенә җыелды. Очрашуның төп кунагы Лениногорск районы имам-мөхтәсибе Исмәгыйль хәзрәт Сингатуллин иде. Ул бүгенге көндә мөселманнар өчен бик актуаль булган мәсьәләләрнең берсе - әдәп-әхлак темасына тукталды. Пәйгамбәребез салләллаһу галәйһи вә сәлләм һәм аның сәхәбәләре мисалында үзебезне тәрбияләргә, бер-беребезгә сабыр булып, үзара хакларыбызны хаклап, үрнәк әхлаклы булып яшәргә чакырды.