Бүген Инвалидлар декадасы кысаларында Гөлнара Мөстәкыйм кызы Хәйбуллова җитәкчелегендәге делегация Буа мәдрәсәсендә экскурсиядә булып киттеләр. Делегация составында М.Вахитов исемендәге урта мәктәп гимназиясендә коррекция сыйныфларында белем алучы укучылар, физик тәрбия укытучысы Сергей Викторович Луконин һәм Буа районының социаль яклау бүлегеннән Илсөяр Җәүдәт кызы Гомәрова да бар иде. Мәдрәсә мөдиренең беренче урынбасары Мөслим хәзрәт Кәримов 212 еллык тарихы булган дини уку йорты белән таныштырды. Уку-укыту эшләре буенча директор урынбасары Радия ханым Хәсәнова соңыннан кунакларны чәй өстәле янына чакырды. Укучылар бергәләшеп фотога да төштеләр. Бу дустанә җылы очрашу аларның күңелләрендә озак сакланыр дип ышанып калабыз.
