28 май көнне Буа мәдрәсәсе коллективы ифтар ашы уздырды. Мәҗлестә мәдрәсә мөдире Илмир хәзрәт Хәсәнов, Мөслим хәзрәт Кәримов, мәдрәсәдәге хәзрәтләр, абыстайлар катнашты. Чакырырган кунаклар арасында мәдрәсәбезгә һәрдаим йөрүчеләр, мәдрәсәгә булышучылар, тирә-як күршеләр җыелган иде. Илмир хәзрәт килгән кунакларга ураза турында нәсыйхәтләрен ирештерде. Аеруча быелгы ифтарда Төркия мәмләкәтеннән килгән кунаклар катнашында үтте. Раббым тоткан уразаларыбызны, изге рамазан айларында укылган намазларыбызны, тәравихларыбызны кабул итсәң иде дигән теләкләрдә калабыз.
