Кичә Буа районы Адав-Толымбай авылында мәчетләр каршында кусрларны тәмамлау хөрмәтенә ике авыл халкы катнашында дини викторина уздырылды. Чараны күп еллар мөгаллимә булган Гөлсинә абыстай алып барды. Викторинада “Толымбай” һәм “Наратбаш” командалары көч сынашты. Гөлгенә абыстай Сәлахова шәкертләргә гыйлем туплау турында нәсыйхәтләрен җиткерде. Толымбай авылы укучылары Гөлсинә ханымга үзләренең рәхмәт сүзләрен җиткерде. Буа мөслимәләр рәисе Гөлирә абыстай Шәйдуллина ике авыл шәкертләренә гыйлем юлында дәвамлылык теләде. Авыл имамы Линар хәзрәт Гыйззәтуллин чараны дога кылып тәмамлады. Ике авылны бергә җыеп, шундый дустанә мәҗлес оештырганы өчен Гөлсинә ханыма Буа мөхтәсибәте олы рәхмәтен җиткерә.
