Югары Ослан районында имамнарның чираттагы җыелышы узды

Бу көннәрдә Югары Ослан мәчетендә имамнар җыелышы булып узды. Бу җыелышта район имамнары, мөхтәсиб һәм чакырылган кешеләр катнаштылар. Гали хәзрәт имамнарны мөхтәсибәттә үткәрелгән чаралар белән, кайбер мөхәлләләрнең эшчәнленә кыскача анализ ясап үтте. Районда һәрбер мәчеттә киләсе елларда төрле чаралар үткәрү, мәктәпләрдә укучы балалар арасында дини викториналар уздыру һәм башка эшләрне оештыруны тәкъдим итте. Имамнар белән Диния нәзәрәтенең имамнар тарафыннан гыйбадәт кылулар һәм дини йолалар уздыру турында "Нигезләмә"сенең кайбер пунктларын җентекләп укып, карап чыктылар һәм бу тәләпләрнең дини йолаларны үтәгәндә куллану ассызыклап үтелде. Җыелыш Коръән аятьләрен укып дога кылу, мөхтәсибәт тарафыннан оештырылган төшке аш һәм җәмәгать намазын уку белән тәмамланды.