20 июнь көнне Аксубай мөхтәсибәтендә район башлыгы Камал улы Камил ярдәме белән авыз ачтыру мәҗлесе узды. Мөфти урынбасары Рөстәм хазрәт Хәйруллин, аксакаллар шурасы рәисе Айрат хазрәт Аюпов, Норлат районы мөхтәсибе Ирек хазрәт Сайфуллин, Чистай районы мөхтәсибе Мөхәммәд хазрәт Киямов катнашты. Рөстәм хазрәт Хәйруллин эчтәлекле вәгазь сөйләп, динебезне үстерүгә өлеш кертүчеләргә мөфтинен рәхмәт хатларын да тапшырды. Бу зур чараны оештыручыларга Аллаһның рәхмәтләрен һәм бәрәкәтен теләп калабыз.
