Мөселманнар инвалидларга һәм картлар йортында гомер кичерүчеләргә гошер сәдакасы таратты

7 сентябрьдә Югары Ослан мөхтәсибәте тарафыннан гошер сәдакасының бер өлеше картлар йортына тапшырылды. Исламда зәкят түләү фарыз гамәл санала. Җирдәге барлык малның хуҗасы Аллаһы Тәгалә. Ул безгә башкаларга караганда күбрәк өлеш чыгарган икән, без мохтаҗлыктагы кешеләр белән үзебездән арткан малыбызны бүлешергә тиеш. Картлар йортына тапшырылган гошер сәдакаларга дога укылды. Инвалидлар йортының директоры Эльянора Серебрякова район имам-мөхтәсибе Гали хәзрәткә үзенең рәхмәтен җиткерде.