Лесхоз бистәсендә корбан ашлары үткәрелә

Саба мөхтәсибәте вәкилләре Корбан бәйрәме көннәрендә  мәктәп һәм балалар бакчаларындагы балалар өчен корбан ашлары уздыруны күркәм гадәткә керткән. Кичә мөхтәсибнең дәгъват юнәлеге буенча урынбасары Әхмәт хәзрәт Сафин Лесхоз бистәсендәге картлар йортында караучысыз калган өлкәннәр өчен оештырылган корбан ашында катнашты. Шул ук көнне Лесхоз бистәсендәге балалар бакчасы җитәкчеләре чакыруы буенча хәзрәт балаларга дип уздырылган мәҗлестә булды.