Олы Кайбыч укытучылары мәчеттә өмә уздырды

Олы Кайбыч урта гомумбелем бирү мәктәбе укытучылары Олы Кайбыч авылы мәчетендә өмә уздырдылар. 18 июльдән үзәк мәчеттә төзекләндерү эшләре барды. Хәзер манара күтәрәсе, җылылык уздырасы һәм электр челтәре үткәрәсе калды, дип хәбәр итәләр мөхтәсибәттән. Кайбыч районы имам-мөхтәсибе Дамир хәзрәт Олы Кайбыч урта гомумбелем бирү мәктәбе директоры Алия Әсхәт кызына һәм барлык укытучыларга да гает алдыннан күрсәткән ярдәмнәре өчен олы рәхмәтләрен белдерә.