Югары Ослан мөхтәсибәте вәкилләре табиблар белән очрашу үткәрде

15 сентябрьдә Югары Ослан мөхтәсибәте район үзәк хастаханәсе хезмәткәрләре белән очрашты. Район мөхтәсибе Гәли хәзрәт Җиһаншин "Ислам террорга каршы" дигән чыгышында яшьләр белән күберәк тәрбия мәсәләсендә эшләргә , ислам диненең төп нигезләрен аларга җиткерү, әти-әниләргә балаларны тәрбияләүгә игьтибарны арттырырга өндәде. Очрашу Корбан бәйрәме белән котлау, 18 сентябрь көнне булачак сайлауларда катнашырга чакыру һәм кызыктырган сорауларга җавап бирү белән тәмамланды.