Әлмәт мөхтәсибәте ипи таратты

Әлмәт мөхтәсибәтенең яшьләр белән эшләү бүлеге җомгадан соң өлкәннәргә бушлай ипи таратты. Чара "Экстремизмга - юк!" айлыгы кысаларында узды һәм изге гамәлләр кылуның әһәмиятен тагы бер тапкыр искә төшерү максатыннан оештырылды. Әлмәт мөхтәсибәте шәһәр халкын ошбу чарада активрак катнашырга һәм мохтаҗлар өчен азык-төлекне Мәрҗәни урамы, 82 а һәм Радищев урамы, 12а адреслары буенча урнашкан мәчет каршындагы кибетләрдә калдыруларын сорый.