Казан хәзрәтләре дә килгән иде

Апас мәхәлләләрендә зурлап корбан ашлары уздыру дәвам итә. Яңарак кына нәзерен үтәп, Мәккәгә Хаҗ кылып кайткан Олы Бакырчы мәчете имамы Шәүкәт хәзрәт Гайнетдинов чираттагы мәҗлесне уздырды. Әлеге дини мәҗлестә Казан кунаклары да катнашты. Казанның йөзек кашы-Кол Шәриф мәчете имамы Илфар хәзрәт, Татарстан Диния нәзәрәт вәкиле, Казанның “Апанай” мәчете имамы Нияз хәзрәт Сабиров, мөнәҗәтче Динар Шәймарданов, район мөхтәсибе Мирхәт хәзрәт Җамалиев чыгышларын табынга килгән йөзгә якын кеше хозурланып һәм әсәренеп тыңлады.