3 декабрь көнне Алабуга мөхтәсибәте Әҗмәл мәчетендә азан әйтү буенча бәйге оештырды. Чараның төп максаты булып шәһәр мәчетләрендә азан әйтүче мөәзиннәрнең хаталарын төзәтеп, азанның сыйфатын яхшырту иде. Хөкемдарлар булып шәһәребез мәчетләре имамнары һәм мөгаллимнәре торды. Алар катнашучыларны тәҗвид, мәкам һәм әдәб буенча бәяләделәр. 45 мөәзин өч төркемгә бүленде: балалар, яшьләр һәм аксакаллар. Бәйге тәмамлану белән барлык катнашучыларга истәлекле бүләкләр тапшырылды. Оештыручылар бу чараны даими үткәрү һәм киләчәктә иң әйбәт мөәзиннәргә сертификатлар тапшыру турында килештеләр.
