28 декабрьдә Буа мөхтәсибәтенең Кыр энәле авылы мәчетендә Мәүлид ае уңаеннан вәгазь кичәсе булды. Авылның имамы Расыйх хәзрәт килгән кунакларны сәламләп Мәүлид белән котлады һәм халыкка һәрдаим ярдәм итеп торганнары өчен рәхмәт җиткерде. Фәнис хәзрәт Гайнатуллин исә мәчетләр каршындагы курсаларда уку-укыту эшенә бәйле мәсьәләләрне аңлатып үтте һәм дини гыйлем алырга чакырды. Буа шәһәренең Хаҗилар мәчетенең 2нче имамы Шамил хәзрәт Пәйгамбәребезнең әхлагын җиткерде, авыл яшьләренә ислам диненең кыйммәтен аңлатып үтте. Чарага килгән авыл халкының сорауларына җаваплар бирелде. Шул ук көнне ошбу чара Бигүти авылында да булып узды. Кичәдә Буа мөхтәсибәте вәкилләре катнашты.
