Буа мөхтәсибәтендә кышкы курслар тәмамланды

8 гыйнварда “Хаҗиләр” мәчетендә Буа мөхтәсибәте оештырган балалар өчен оештырылган кышкы  курслар тәмамланды. Балалар атна буе мәчеткә килеп дини сабак алды, мәчет янында урнашкан шугалакта хоккей уйнады, төш вакыты җиткәч мәчеткә кереп тәмле кайнар ашлар белән тукланды. Курсларны оештыручыларның берсе Илнур Сафиуллин сүзләренчә, балалар мәчеткә бик теләп йөрделәр, остазлары өйрәткән дәресләрне ятлап килделәр, дип хәбәр итә Буа мөхтәсибәте.