Татарстан Президенты бүген RUSSIA HALAL EXPO хәләл индустриясе күргәзмәсен күреп китте. Күргәзмә Диния Нәзарәтенең Хәләл стандартлары Комитеты тарафыннан КazanSummit 2017 кысаларында оештырылды. Рөстәм Нургалиевич Миңнехановка ислам кануннарына туры китерелгән күптөрле хәләл товарлар һәм хезмәтләр күрсәттеләр: ит ашамлыклары, ипи һәм татлы ризыклар, чәйләр, балалар өчен азыклар, мөселман туризмы, китаплар һ.б.
