Бөтендөнья балаларны яклау көне уңаеннан Буа мәдрәсәсендә балалар өчен бәйрәм чарасы оештырылды. Ул мәдрәсәдә белем алучы балаларның уку төгәлләнүе уңаеннан да үткәрелде. Балалалар программа нигезендә ислам дине нигезләрен, гакыйдә, шәригать хөкемнәрен, гарәп язуын, ислам тарихын өйрәнде һәм әхлак дәресләре алды. Еллык нәтиҗәләр буенча 2016–2017 нче уку елында “Әдәп – әхлаклы, тырыш, зирәк кыз” номинациясендә урыннар билгеләнде, махсус бүләкләр тапшырылды.
