Корбан гаете Белем көне уңаенна оештырылачак чараларга комачауламаячак

Видеокүперне  Россия Мөфтиләр шурасы һәм Мөселманнар Диния нәзарәте рәисенең беренче урынбасары Рушан Аббясов ачып җибәрде: "Россиядә Корбан гаете өчен мәктәпләрдә Белем көнен күчермәү өчен без зур тырышлыклар куйдык. Бәйрәм вәгазьләре мәчетләрдә иртә башланачак һәм мәктәпләр линейкаларына комачауламаячак".  Ул шулай ук Корбан уңаеннан үзләренең мөфтиятләрендә нинди әзерлек чаралары алып барулары хакында җиткерде. "Мәскәүдә корбан чалу өчен махсус мәйданчыклар юк, Мәскәү өлкәсендә генә бар - фермаларда", - диде хәзрәт.