Гает намазы Казанның 61 мәчетендә үткәреләчәк

"Гает намазлары Казанның 61 мәчетендә үткәреләчәк. Иртәнге намазга азан 3 сәгать 17 минутта әйтеләчәк. Татарстан мәчетләрендә бәйрәм вәгазьләре 4 сәгать 30 минутта башлана. Барлык мөхтәсибәтләр дә  әлеге олуг бәйрәмне каршы алырга әзер: корбан чалу цехлары тәртипкә китерелде, махсус мәйданчыклар әзерләнде, корбанлык малы да җитәрлек күләмдә. Башка еллардагы кебек дөя чалу быел планлаштырылмый, - дип хәбәр итте журналистларга Мансур хәзрәт Җәләлетдинов Корбанга кагылышлы сорауларга җавап биргәндә.