Бүген Чаллы мәчетләрендә җомга намазында экстремизмга һәм террорчылыкка каршы тору буенча вәгазьләр укылды. Имамнар, ислам дине чыганакларына мөрәҗәгать итеп, мәчеткә килүчеләргә экстремизмга чакыручы күренешләрнең ислам диненә бернинди дә катнашы юклыгын аңлаттылар. Чаллы имам-мөхтәсибе Әлфәс хәзрәт Гайфуллин “Нур-Ихлас” мәчетендә вәгазь укыды. Үз вәгазендә ул ислам диненең төп нигезләренә каршы килә торган агымнарга һәм ялган кыйммәтләргә, чит җирләрдән үтеп кергән секталарга тукталды. Намаз тәмамланганнан соң мәчеткә килүчеләр террорчылык актларында һәлак булганнарның рухына дога кылды.
