Әлмәт мәчетендә татар теле укыта башладылар

Әлмәт үзәк мәчетендә мәхәллә халкы өчен беренче татар теле дәресләре башланып китте. Бушлай укытуны филология фәннәре кандидаты, доцент Шаһиев Рәфкать Шириаздан улы алып бара. Дәресләр халыкны татар телен өйрәнүгә кызыксыну уяту, тел аша мәдәният һәм традицияләрне танып белү максатыннан оештырыла. Моннан тыш, тел дөньясында үзләрен ачарга теләгән һәр кеше дә чакырыла. Дәресләр атнаның һәр чәршәмбесендә кичке алтыда (18.00) шәһәрнең үзәк мәчетендә уза.