Бүген Галиев мәчетендә Камил хәзрәт Сәмигуллин Мәскәү мөселманнары Диния нәзарәте рәисе Илдар хәзрәт Аляутдинов белән очрашты. Очрашу барышында мөселман лидерлары Татарстан мөселманнары Диния нәзарәте бастырган Коръән басмасы турында сөйләште. 2017 елда исә әлеге басма Россиядә ислам үсеше тарихына кереп калды – ул рәсми рәвештә дөньякүләм стандартларга тәңгәл килә дип танылды. Әмма Нәзарәт шушы казанышта туктап калмыйча, Коръәннең өченче, яңартылган һәм камилләштерелгән басмасын әзерләүне дәвам итә. Моннан тыш, Татарстан мөселманнары Диния нәзарәте белгечләре Коръәннең татар һәм рус телләренә тәфсирләрен әзерләү өстендә эшли.
