Согуд Гарәбстаны Корольлегенә Татарстан мөфтие Камил хәзрәт Сәмигуллин җитәкчелегендә Татарстан мөселманнары Диния нәзарәте рәсми делегациясе килү дәвам итә. Мөфтият җитәкчелеге әлеге илгә Король Сәлман ибн Габдел-Газиз Әл Саудның чакыруы буенча сәфәр кыла. Бүген кунаклар Мәдинәдә Пәйгамбәр салләллаһу галәйһи вә сәлләмнең мәчете имамы белән очрашачак. Ул ислам динендә икенче изге мәчет булып санала, биредә Мөхәммәд салләллаһу галәйһи вә сәлләмнең кабере урнашкан. Кичә мөфти Камил хәзрәт гарәп массакүләм мәгълүмат чараларына әңгәмә бирде.
