Бахрейн шәехе Мурейхи Татарстан имамнарына дәрес бирде

Кама Тамагы мөхтәсибәтендә Татарстан мөселманнары Диния нәзарәтенең 2017 ел хисабына багышланган Пленум утырышы дәвам итә. Бүген Пленум кысаларында Татарстан имамнары өчен дәресләр һәм ачык лекцияләр башланып китте. Дин әһелләре Голамәләр шурасының җаваплы сәркатибе Рөстәм хәзрәт Нургалиевтан никах һәм талак мәсьәләләре буенча бәхәсле сорауларга җаваплар алды. Үз дәресен шулай ук Бахрейннан килгән югары шәригать суды рәисе Ибраһим әл-Мурейхи да бирде. Ул имамнарга дини мирасны өйрәнү, чыганаклар белән эшләү турында сөйләде.