Бүген Диния нәзарәтендә халыкны кабул итү көне булды. Алдан язылу буенча төрледән-төрле мәсьәләләр буенча мөрәҗәгать итүчеләр белән Татарстан мөфтие Камил хәзрәт Сәмигуллин очрашты. Алар арасында Казан журналистикасы вәкилләре һәм татар мәдәният эшлеклеләре бар иде. Кунаклар хәзрәткә үзләренең мөрәҗәгатьләре һәм тәкъдимнәре белән чыкты. Мөфти үз чиратында кайбер мәсьәләләрне чишүдә үз ярдәмен күрсәтергә ризалыгын белдерде.
