Бүген ТР мөселманнары Диния нәзарәтендә Татарстан мөфтие Камил хәзрәт Сәмигуллин Мордовия мөфтие Фәһим хәзрәт Шәфиев һәм Мордовия Республикасы Мәдәният, милли сәясәт, туризм һәм архив эше министры урынбасары Сявкаев Альберт Борисович белән күреште. Очрашу барышында мөфти кунакларны нәзарәтнең проектлары белән таныштырды, аеруча “Хузур ТВ” мөселман телеканалы турында тукталып сөйләде. Кунаклар хәнәфи мәзһәбен саклау, зыян китерә торган идеологияләрне туктату, төрле фиркаләргә һәм секталарга бердәм рәвештә көрәшү турында сүз алып барды.
