Бүген Татарстан Республикасы мөселманнары Диния нәзарәте бинасында Камил хәзрәт Сәмигуллин журналист Сами Хәмиди белән очрашты. Камил хәзрәт хөрмәтле кунакка Исламның Россиядә үсеш тарихы, татар дин әһелләренең Россия мөселманнары рухи мирасын саклап калудагы керткән өлешләре, Татарстан мөселманнары Диния нәзарәтенең эшчәнлеге, проектлары турында сөйләде һәм атаклы галимебез Шиһабетдин Мәрҗанинең китапларын бүләк итте.
