Баш бит > Яңалыклар > Балаларны яклау көне: Бөгелмә мөхтәсибәте хәйрия акциясе уздырды

Балаларны яклау көне: Бөгелмә мөхтәсибәте хәйрия акциясе уздырды

01 июнь 2018 ел 15:30

Бөгелмәдә "Сабыйга" хәйрия акциясе булып узды. Аны Бөгелмә мөхтәсибәте Изге Рамазан аенда Халыкара балаларны яклау көненә багышлап уздырды. Акция кысаларында, игелекле кешеләр катнашында, 3 яшькә кадәрге 4 балага ярдәм күрсәтелде. Балалар ятим калып Бөгелмә балалар хастаханәсендә дәваланалар. Алар өчен гигиена кирәк-яраклары, кием-салым, балалар өчен ризык, уенчыклар сатып алынды.

Чара берничә ел рәттән уздырыла. Шул уңайдан Бөгелмә имам-мөхтәсибе Рамил хәзрәт Хөснетдинов Бөгелмә һәм Бөгелмә районы сәламәтлекне саклау бүлеге җитәкчесе исеменнән Рәхмәт хаты белән бүләкләнде.