Имамнар Ватанга мәхәббәт турында сөйләделәр

Бүген “Патриот” спорт-патриотик һәм чакырылышка кадәрге республика әзерлек үзәгендә яшьләрне гаскәр тулыландыруга җибәрү узды. Татарстан Республикасы мөселманнары Диния нәзарәтенең дәгъвәт бүлеге белгечләре хәрби командаларны озатуда катнаштылар һәм чакырылучылар белән рухи әңгәмә үткәрделәр. Татарстан Диния нәзарәте исеменнән ясаган чыгышта Марсель хәзрәт Мингалиев патриотлык, Ватан алдындагы бурычлар, гаилә һәм җәмгыять, Аллаһыга иман китерү турында нәсыйхәт сүзләрен җиткерде. Ул шулай ук яшь солдатларга хезмәт итүне уңышлы үтәп, исән-имин туган якларга әйләнеп кайтуны теләде.