Бүген Түбән Камага эш сәфәре кысаларында мөфти Камил хәзрәт Сәмигуллин шәһәрнең Җәмигъ мәчетендә булды. 4 нче төзәтү колониясендә булганнан соң, ул биредә өйлә намазын укытты, дин әһелләре белән берлектә Корбан бәйрәмен үткәрүгә, мөхтәсибәт эшчәнлегенә кагылышлы мәсьәләләр буенча фикер алышуда катнашты. Шулай ук мәхәллә халкыннан килеп ирешкән кайбер сорауларга җавап бирде.
