Бүген Татарстан мөфтие Камил хәзрәт Сәмигуллин җомга намазын Казанның "Ризван" мәчетендә укыды. Кала халкы белән берлектә җәмәгать намазында VIII Бөтендөнья татар яшьләре форумы делегатлары да катнашты. Җомга вәгазен Камил хәзрәт яшь буынның яшәү рәвешенә һәм кылган гамәлләренә багышлады. Үзенең үгет-нәсыйхәтендә мөфти татар егетләренә изге гамәлләр кылуның савабы ике дөньяда да бәхет китерүе хакында сөйләде.
