Мөфти Камил хәзрәт Сәмигуллин ТР Президенты Рөстәм Нургалиевич Миңнеханов җитәкчелегендәге рәсми делегация составында Мисыр Гарәп Республикасына эш сәфәре белән килде. Каһирәдә хәзрәт Мисыр премьер-министры М.Мадбули, шулай ук дөньядагы иң борынгы университетларның берсе Әль-Әзхәр җитәкчелеге белән рәсми очрашуларында катнашты. Мәшһүр дини университетта студентларны укытуны оештыру мәсьәләләрен һәм Болгар ислам академиясе белән хезмәттәшлек мөмкинлекләре турында сүз барды. Моннан тыш, Камил хәзрәт катнашындагы делегация вәкилләре «Әль-Әзхәр Әш-Шәриф» тарихи җәмигъ мәчетендә булырга һәм Каһирәдә күренекле көнчыгыш белгече, сәясәтче Евгений Примаковка бюст ачылышын күреп өлгерде.
