Бүген Казанга Кыргызстан мөселманнары Диния нәзарәтенең фәтвалар бүлеге белгече Габдрахман Татиков килде. Татарстан мөселманнары башлыгы кунакны үз резиденциясендә кабул итте. Камил хәзрәт Сәмигуллин белән очрашуда сүз шәригать мәсьәләләре, хәләл өлкәсендә хезмәттәшлек, дуслык элемтәләрен җәелдерү турында барды. Татарстан мөфтие кунакны мөфтиятнең “Хозур” нәшрияты һәм “Хәләл” комитеты эшчәнлеге белән таныштырды.
