Бүген, җөмәдәл-ахыр аеның 7 нче көнендә, Татарстан Республикасы мөселманнары Диния нәзарәте резиденциясендә республика мөхтәсибәтләренең финанс хезмәтләре өчен киңәшмә уза. Җирле мөселман оешмаларында бухгалтерлык исәп-хисабы өчен җаваплы затлар финанс хисабы һәм кадрларны эш кәгазьләре белән эшләргә өйрәтү буенча һөнәри курсларда катнашалар. Курслар кысаларында финанс исәп-хисабы, аванс исәп-хисабы, хезмәт хакы түләү, финанс өлкәсендәге хата-кимчелекләргә штрафлар, шулай ук хезмәт шартларын тәэмин итү өлкәсендә законга кертелгән үзгәрешләр буенча тулы аңлатмалар алалар.
