Бу көннәрдә Казанның «Ак Барс» көрәш сараенда «ALL STYLES MARTIAL ART» кагыйдәләре буенча Бөтенроссия турниры кысаларында Әфган сугышы ветераннарын хөрмәтләделәр. Әйтик, Югары Ослан районы Кызыл Байрак авылы имамы Тимур хәзрәт Ибраһимов ветераннар берләшмәләренең уртак эшчәнлеген координацияләү буенча Комитет тарафыннан расланган «Совет гаскәрләрен Әфганстаннан чыгаруга 30 ел» мактау медале белән бүләкләнде. Тантанада хәзрәткә әлеге медальне генерал-лейтенант Абдул Чишаев тапшырды.
