Татарстан мөселманнары Диния нәзарәте һәм мөхтәсибәтләр Террорчылыкка каршы көрәш көненә багышланган Россиякүләм «Бер тамчы гомер» акциядә катнашты. Акция кысаларында яшь мөселманнар террорчылык һөҗүмнәре аркасында вафат булганнарны тынлык минуты белән искә алдылар. Соңыннан символик рәвештә үсемлекләргә су сиптеләр. Казаннан кала Түбән Кама, Лениногорск, Бөгелмә, Аксубай һәм башка район мөхтәсибәтләре халкы бу чарага социаль челтәрләр аша кушылды. Катнашучылар #капляжизни хештегы аша чараның фотографияләре белән социаль челтәрдәрдә бүлештеләр.
«Бер тамчы гомер» акциясе 2004-нче елның сентябрь ае башында Беслан шәһәрендә булган куркыныч хәлләрне искә алып, Террорчылыкка каршы көрәш көненә багышланган. Ул вакытта, террорчылык акты барышында берничә йөз кеше һәлак була, шул исәптән балалар. Өч көн буе тоткында торып, алар бер тамчы суга сусаган...
