Татарстан мөфтие: "Ялган мәгълүмат халыклар арасында тынычлыкны бозарга мөмкин"

Татарстан мөфтие, ТР мөселманнары Диния нәзарәте башлыгы Камил хәзрәт Сәмигуллин "Татар-информ" мәгълүмат агентлыгына интервью бирде. Ул әлеге басманың баш мөхәррире Ринат Билалов һәм журналист Тимур Рәхмәтуллин белән әңгәмә вакытында Идел буе Болгар дәүләтендә ислам динен кабул итүгә 1100 ел тулуны бәйрәм итү кысаларында Нәзарәт тарафыннан тормышка ашырыла торган мөһим проектлар, Татарстанда милләтара һәм динара мөнәсәбәтләр турында сөйләде һәм Казанда Җәмигъ мәчетен төзүгә кагылышлы фикерләре белән уртаклашты. Бүген «Татар-информ» мәгълүмат агентлыгы интервьюның беренче өлешен бастырып чыгарды. Дәвамы иртәгә булачак.