Бүген, сәфәр аеның 24нче көнендә (20нче сентябрьдә), Татарстан мөфтияте резиденциясендә Төркия дин эшлеклеләренән торган делегация булып китте. Мөхтәрәм кунаклар - Истанбул шәһәренең мөфтие Сафи Арпагуш, Дин эшләре буенча идарәнең тышкы элемтәләр буенча Евразия бүлеге җитәкчесе Салих Гөр, «Кайсәри» югары дини белем үзәге җитәкчесе Абдулкадыйр Кабдан, «Диянәт» фондының Истанбулдагы бүлекчәсе җитәкчесе Мәхмүт Фатыйх Сүнмәс, «Айясофья» мәчете имамы Бүньямин Топчуглы һ.б. Казанда мөселманнарның Үзәк Диния Нәзарәте чакыруы буенча Уфага барышлый туктады. Резиденциядә аларны Татарстан мөфтие Камил хәзрәт Сәмигуллин каршылады, алар бергәләп Галиев мәчетендә намаз укыды, дога кылды. Очрашу Нәзарәтнең соңгы казанышлары, Ислам динен кабул итүнең 1100 еллыгы уңаеннан узган чаралар, Коръән басмалары һәм Татарстан мөселманнары яшәеше хакында аралашу, бүләкләр алмашу белән дәвам итте. Кунаклар мөфтият эшчәнлеген югары бәяләде.
Камил хәзрәт Төркиянең дин эшлеклеләре белән очрашты
20 сентябрь 2022 ел 17:23

Соңгы яңалыклар

2023нче елда Нәзарәттә татар-мөселман үзенчәлекләрен саклап калу буенча 23 проект гамәлгә ашырылды
26 декабрь 2023 ел 09:25

«Гаилә һәм хәләл яшәү рәвеше елын игълан итәргә тәкъдим итәм»: Нәзарәт Пленумында 2023 елга нәтиҗәләр ясалды һәм 2024 елга бурычлар куелды
21 декабрь 2023 ел 16:00
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы