Зөлхиҗҗә аеның 21нче көнендә (27нче июньдә), Диния Нәзарәтенең Аксакаллар шурасы Рәисе Айрат хәзрәт Әюпов Менделеевск районына эшлекле сәфәр кылды. Биредә Менделеевск муниципаль районы башлыгы Радмир Беляев Менделеевск районы мәгариф идарәсе башлыгы Рәис Нәҗипов, Татарстан мөселманнары Диния нәзарәтенең Аксакаллар шурасы рәисе Айрат хәзрәт Әюпов, Менделеевск районы имам-мөхтәсибе Ирек хәзрәт Нуриев, шулай ук Богоявленский храмы настоятеле, иерей Василий катнашында киңәшмә уздырды. Утырыш барышында башка мәсьәләләр арасында мәктәпләрдә хәләл туклануны кертү мөмкинлеген карадылар.
Фотография: Менделеевск муниципаль районы башлыгының матбугат хезмәте.
