Рабигыль-әүвәл аеның 23 нче көнендә (26 сентябрьдә) Диния Нәзарәтендә мөселман яшьләре өчен «MuslimQuiz» акыл уеннарының яңа сезоны ачылды. Бу сезонның беренче уенында 21 команда катнашты. Шунысы игътибарга лаек: бу сезонда уенга 4 яңа команда кушылды.
Уен «акыл һөҗүме» форматындагы 6 раундтан торды. Һәр раундта тарих һәм әдәбиятка кагылышлы 6 сорау бирелде. Уенчылар табышмакларга һәм катлаулы интеллектуаль сорауларга җавап эзләде, мантыйк мәсьәләләрен һәм ребуслар чиште һ.б.
Беренче уен нәтиҗәләре буенча абсолют беренчелекне «Беренче команда» яулады.
2023-2024 ел сезонында «MuslimQuiz»ның 6 очрашуы: 5 төп уен һәм финал узачак. Очрашу нәтиҗәләре буенча иң күп балл җыйган команда кыйммәтле бүләк алачак.
Киләсе акыл уены октябрьнең икенче яртысында узачак.
