Мөфти Рәис белән бергә гомрә кылды

Бу көннәрдә Татарстан Мөфтие Камил хәзрәт Сәмигуллин —  Рәис Рөстәм Миңнеханов җитәкчелегендәге Татарстан Республикасы делегациясе составында Согуд Гарәбстаны Корольлегендә эш сәфәрендә. Бүген төнлә Мөфти Мәккәдә Рәис белән бергә гомрә — кече хаҗ йолаларын үтәде, ә көндез Җиддәдә Ислам илләре министрлары конференциясе узачак. Моннан тыш, көн дәвамында эш сәфәре кысаларында очрашулар һәм эшлекле сөйләшүләр көтелә.