Бүген, Зөлхиҗҗә аеның 25 нче көнендә (21 июнь) Казанда Сабантуй татар халык бәйрәме билгеләп үтелде. Бәйрәм шәһәрнең өч мәйданчыгында узды, Мирный бистәсендәге каенлыклыкта төп чараларны тамаша кылырга мөмкин иде. Биредә Татарстан башкаласында яшәүчеләр һәм кунаклар өчен бай программа әзерләнгән иде: халык һөнәрләре буенча мастер-класслар үткәрү (алтын җепләр белән тегү, күн мозаика һ.б.), «Илкүләм уеннар буенча фиджитал турниры» VR проектын тәкъдим итү һәм халык һөнәрләре эшләнмәләре күргәзмәсе. Бәйрәмгә күпсанлы мәртәбәле кунаклар килде.
Чарада дәрәҗәле кунаклар арасында Россия Федерациясе Хөкүмәте Рәисе урынбасары Марат Хөснуллин, Татарстан Республикасы Рәисе Рөстәм Миңнеханов, Татарстан Дәүләт Киңәшчесе һәм Татарстан Республикасының беренче Президенты Минтимер Шәймиев, шулай ук Татарстан Мөфтие Камил хәзрәт Сәмигуллин һәм башкалар бар иде.
Чара кысаларында иң яхшы игенчеләрне, ветеран батырларны һәм яшь спортчыларны хөрмәтләү тантанасы узды. Сабантуйның төп сәхнәсендә бәйрәмнең театральләштерелгән прологы булды. Быел төп тема гаиләдә милли традицияләрне саклау һәм яшь буынга тапшыру булды.
Фотосурәтләр: ТР Рәисе матбугат хезмәте.
