14 сентябрь Кукмара мәдрәсәсендә район башлыгы С.Д.Димитриев катнашында Корбан ашы үткәрелде. Мәҗлескә район имамнары, авыл җирлеге башлыклары, мәдрәсә мөгаллимнәре һәм Үзәк мәчет аксакаллары чакырылды. Сергей Димитрий улы мөселманнарны Корбан гаете белән котлап, иминлек, саулык, тынычлык һәм бәрәкәт теләде, әдәп-әхлак, дини тәрбия мөмкинлекләрен район тормышын яхшырту юнәлешендә киңрәк файдаланырга чакырды. Мәҗлес Корбан итеннән әзерләнгән мул ризыклы табын алдында үтте.
