Бүген, рабигыль-ахыр аеның 9 нчы көнендә (1 октябрь), Татарстан Республикасы Рәисе Рөстәм Миңнеханов һәм Мөфти Камил хәзрәт Сәмигуллин, Лаеш районының Усады авылында эш сәфәрендә булып, анда яңа «Тәрбия үзәге» яңа белем бирү үзәген карады.
«Ихлас» мәчете комплексы территориясендә урнашкан Үзәк хәйриячеләр акчасына төзелгән. Монда 100 укучыга исәпләнгән 9 уку кабинеты, шулай ук чаралар уздыру өчен 200 кеше сыйдырышлы күп функцияле зал бар.
Кунаклар үзәкнең матди-техник җиһазланышы, белем бирү методикалары һәм төп эш юнәлешләре белән танышты. «Тәрбия үзәге» үзәге эшчәнлеге балалар һәм яшьләрнең күпкырлы үсеше өчен заманча белем бирү мохите булдыруга юнәлдерелгән. Аерым игътибар татар телен һәм милли мәдәниятен саклауга һәм популярлаштыруга бирелә.
Белем бирү хезмәтләре исемлегенә телләр өйрәнү (татар, инглиз, гарәп, кытай), техник дисциплиналар (программалаштыру һәм робототехника), шахмат дәресләре, мәдәни тәрбия программалары һәм китап клублары, мәктәпкә һәм Бердәм дәүләт имтиханына әзерлек, һөнәри юнәлеш бирү чараларын оештыру керә.
Шулай ук Рөстәм Миңнехановка һәм Камил хәзрәткә Лаеш эшкуарлары гамәлгә ашыра торган социаль проектлар турында сөйләделәр, шул исәптән яңа төбәкләрдә дә.
ТР Рәисе матбугат хезмәте материаллары буенча.
