Югары Ослан мәдәният йортында Корбан бәйрәменә багышланган кичә

13 сентябрь көнне Югары Ослан район мәдәният йорты хезмәткәрләре  районның "Иделкәй" төркеме белән берлектә  Корбан бәйрәменә багышланган кичә үткәрде. Әлеге күркәм чарада район имам-мөхтәсибе Гали хәзрәт Җиһаншин чыгыш ясады. Ул халыкны Корбан бәйрәмен үткәрү тарихы, корбан чалуның фазыйләтләре һәм ислам дине кыйммәтләре хакында сөйләде.Бәйрәм кичәсендә катнашучыларга мөхтәсибәт тарафыннан Корбан Бәйрәме белән котлап буклетлар тапшырылды.