Әлмәт мөхтәсибәте өлкәннәргә рәхмәт әйтте

Әлмәт мөхтәсибәте өлкәннәр көне уңаеннан хәйрия ашы үткәрде. Чарага мәгариф, сәламәтлек саклау, журналистика өлкәләрендә күп еллар дәвамында хезмәт куйган ветераннар чакырулы иде.  Мөхтәсибәт хезмәткәрләре кунакларга Әлмәт шәһәренең үзәк мәчете буенча экскурсия уздырды һәм мул табын артында аларга үзләренең рәхмәтләрен җиткерде. "Мәчет ишекләре сезнең өчен һәрвакыт ачык. Без сезнең белән бүген аралаша алуыбызга, төпле киңәшләрегезгә чиксез шат", - дип сөйләде район имам-мөхтәсибе Фәһим хәзрәт Әхмәтҗанов. Өлкәннәр оештыручыларга  хөрмәт күрсәтүләре өчен рәхмәт әйтте. Ошбу чара дин өлкәсендә көч куйган әби-бабайлар өчен дә үткәрелде.