Баш бит > Яңалыклар > Рөстәм хәзрәт Әлкидә булды

Рөстәм хәзрәт Әлкидә булды

09 декабрь 2016 ел 10:07

8 декабрьдә Татарстан мөфтие урынбасары Рөстәм хәзрәт Хәйруллин, Әлки районына сәфәр кылып, имамнар җыелышында катнашты. 6 сентябрьдә имам-мөхтәсиб итеп сайланган Карга авылы имам-хатыйбы Ирек Сәлахиев шушы вазыйфада расланды. Татарстан мөфтие Камил хәзрәт Сәмигуллинның әманәтен үтәп, аның урынбасары Рөстәм хәзрәт Хәйруллин моңа кадәр имам-мөхтәсиб вазыйфаларын башкарган 87 яшьлек Исламетдин хәзрәт Шәйхетдиновка мөфтиятнең Рәхмәт хатын тапшырды. Җыелышта район башлыгы урынбасары Рәшит Билалов, Президент Аппаратының эчке сәясәт департаментыннан Илдар Сәлахов, көньяк төбәге казые Равил хәзрәт Зөфәров, авыл җирлекләре башлыклары, район имамнары катнашты.