Мамадыш мәхәлләләрендә Мәүлид бәйрәмнәре гөрли

Хәзерге көндә күп яшьләребез Мәүлид бәйрәменең тарихын, бу көн ни өчен бәйрәм дип аталуын, «мәүлид» сүзенең мәгънәсен ачык итеп белмиләр. Тик ата-бабадан калган бәйрәм дип кенә аңлыйлар. «Мәүлид» — гарәп сүзе — туу дигән мәгьнәдә. Үзебезчә әйтсәк, бүген иң сөекле Пәйгамбәребез Мөхәммәд Мостафа салләллаһү гәләйһи вә сәлләмнең дөньяга килгән көне, дигән сүз була. Түбән Тәкәнеш авылында узган Мәүлид бәйрәмендә район мөхтәсибе Илһам хәзрәт Миңнегалиев та катнашты. 
Сүз уңаеннан, районкүләм Мәүлид бәйрәме 5нче гыйнвар көнне узачак. Иртәнге сәгать 9да башланачак чарага рәхим итегез!